Azərbaycan Respublikası ərazisinin çox hissəsi arid iqlim zonasında yerləşərək daxili su ehtiyatları ilə məhdudlaşır. Bununla belə, ümumi ehtiyatların 70%-i transsərhəd çay suları hesabına formalaşır. Respublikanın su təsərrüfatı balansındakı kəsir (catışmazlıq) faktiki ehtiyatlardan 30%-dən  artıqdır. Ya­xın gələcəkdə bu rəqəm labüd olaraq 40%-lik qiyməti aşacaq ki, bu da su böhranının həddi olub, kənd təsərrüfatı istehsalının  inkişafını, yəni ərzaq təhlükəsizliyini, sənaye istehsalını və nəti­cədə ümumən iqtisadiyyatı limitləşdirəcək. İqlim dəyişmələri proqnozlarının ssenariləri su ehtiyatlarının əlavə itki risklərini göstərir. Bu məqalədə respublikanın su ehtiyatlarının müasir vəziyyəti araşdırılır, riskin təhlili yerinə yetirilərək, su ehtiyat­larının həssas (zəif) cəhətlərinin müxtəlif yollarla qiymətlən­dirilməsi və iqlim dəyişmələri amillərinin təsiri ilə onların itiril­mə riski göstərilir.