Qərbi Anadolu mürəkkəb tektonik tarixi ilə mühüm region­lardan biridir. Burada horst-qraben sisteminin inkişaf tapması ilə bərabər, Egey genişlənmə regionunda yüksək seysmik aktivlik müşahidə olunmaqdadır. Bu sistemin ən mühüm tek­tonik strukturları şərqdən qərbə Böyük Menderes və Gediz qra­benləridir. Tədqiqat ərazisi bu qrabenlərinin qərb hissəsini əha­tə edir. Yer qabığının dərin qatlarının topoqrafiyası və hövzə­lərin tektonik strukturunun tədqiqi məqsədilə Buge qravitasiya məlumatlarından istifadə edilmişdir. Qərbi Anadoluda Buge qravitasiya anomaliyasının qiymətləri şərqdən qərbə doğru artır. 3D Moxo və fundamentin topoqrafiyası və horizontal qradiyenti əldə etmək üçün Parker-Oldenburg alqoritmindən istifadə edilmiş, xətti xüsusiyyətlərin müəyyən edilməsi üçün isə analitik siqnal və meyil bucağı üsulları tətbiq edilmişdir. 3D modelləşdirmənin nəticəsi olaraq, Moxonun maksimal dərinliyi 35 km, Böyük Menderes qrabeni fundamentinin maksimal də­rinliyi isə 12.5 km müəyyən edilmişdir. Liniamentlərin aşkar edilməsi ilə tədqiqat ərazisinin yeni liniament xəritəsi veril­mişdir. Ərazi həmçinin seysmik aktivliyə görə tədqiq edilmiş­dir. Tədqiqat ərazisində zəlzələlərin əksəriyyəti fundamentin yerləşdiyi dərinlikdə baş vermişdir.