Rentgenoqrafik, termiki və rentgenflüoressent analiz üsulları ilə Cənubi Sinayın (Misir) hipergenez zonasında missaxlayan filiz cisimlərində ilk dəfə mis hidroksilxlorodo – atakamit mineralı müəyyən edilmişdir. APEX – II CCD (Bruker) avtodifraktometrində kristal quruluşunun parametrləri dəqiqləşdirilmiş – a=6,0274 (2), b=6,8664 (2), c=9,1220(3)°A; fəza qrupu Pnma, z=4 və tam eksperimental məlumatlar alınmışdır. Quruluş dəqiqləşdirilmiş və hidrogen atomunun vəziyyəti təyin edilmişdir. Quruluşun etibarlılıq faktoru R/F²>2b(F²)/=0,023, wR(F²)=0,067 . Mineralın kristallokimyəvi formulu Cu(Cu09Ni0,1)(OH)3Cl. Atomlararası məsafələr dəqiqləşdirilmiş, ekvivalent oktaedr sütunları arasında hidrogen rabitəsinin təbiəti aydınlaşdırılmışdır. Cu2(OH)3Cl modifikasiyaları (atakamit <=> paratakamit <=> botallakit) arasında genetik əlaqənin və qarşılıqlı çevrilmənin mahiyyətinə atom səviyyəsində aşkarlıq gətirilmişdir.