Qafqazın filiz-maqmatik sistemi – Paleotetis (PT) okean hövzəsinin və Mezotetis (MT) okean körfəzinin inkişafı fonunda, şimal strukturlarından cənubdakılara doğru təzahürlərin qanunauyğun cavanlaşmasına malik, mürəkkəb tektono-maqmatik və flüid-hidrotermal proseslər məcmusunun törəməsidir. Mezozoy və kaynozoy maqmatik və filiz komplekslərinin genezisi, PT və MT okean hövzələrinin qapanması prosesində qırışıqlıq bünövrəyə obduksiya olunmuş və vulkanogen çöküntülərlə örtülmüş, regionun yer qabığının struktur zonalarının quruluşunda alloxton hiperbazit lövhələrinin (erkən paleozoy və mezozoy) varlığı konsepsiyası ilə uzlaşır. Filiz maddəsinin konsentrasiyası, onun siallaşdırıcı flüidlərlə həm alloxton hiperbazit lövhələrindən, həm də bünövrənin qabığından ekstrasiyası ilə əlaqədardır. Qafqazın başlıca metallogenik ixtisaslaşma amilləri yaranmış tektonik gərginliklər və filizsaxlayan komponentlərin siallaşmasıdır.