Məqalədə Cənubi Xəzər hövzəsinin (CXH) cökmə kə­silişində seysmik məlumatlar əsasında quyunun qazılma­sın­dan qabaq anomal təzyiqlərin (AT) təyin edilməsinin ilk təcrübi nəticələri verilmişdir. İstifadə edilən üsul “REZAYR” proqram paketinə əsaslanır. Təhlil edilmiş CXH seysmik-zaman kəsilişin fraqmentində AT-nin müx­tə­lif qalınlığa və intensivliyə malik olan üç əsas zonası müəyyən edilmişdir. Yuxarıdan birinci AT zonası 1 km-dən az dərinliyi əhatə edir. Bu nisbətən nazik zonanın mənşəyi biokimyavi qazların əmələ gəlməsi ehtimalı ilə bağlı ola bilər. İkinci AT zonası 1,5-3 km dərinliyi əhatə edir və çox güman ki, yüksək çöküntütoplanma sürətinə görə süxurların qeyri-taraz sıxlaşması ilə izah oluna bilər. Üçüncü, daha intensiv və qalın AT zonası 6-9 km dərin­lik intervalında müəyyən edilmişdir və çox güman ki, karbo­hidrogenlərin katagenetik əmələgəlmə prosesslərindən ası­lı­dır. Bu zona quyuların qazılması zamanı daha bö­yuk riskə malikdir.